Shillong, Naitung, 07: Kawei ka kynthei ka la sahkut ha ka elevator ha NEIGRIHMS Hospital jin haduh 4 kynta, 46 minit hadien ba ka la rung hapoh kane ka elevator ha ka por kumba 8:10 baje mynstep.
Katkum ka video ba la ïoh da ka Batesi TV ha ka janmiet Lah Sngi u Blei, la pyntip ba ïa kane ka kynthei bym pat lah tip la ka dei ka samla kaba pule Medical ha NEIGRIHMS lane ka dei ka riewpaidbah la lah ban pyllait im tad haduh ka por 12:56 baje ha ka por mynsngi.
Ïa kane ka kynthei la ïoh ban pyllait na kane ka elevator da ka jingïarap jong ki Pulit ka Search and Rescue Team (SRT) ka tnat Fire and Emergency Service (F&ES).
