Shillong, Naitung, 10: Ki Pulit ka East Khasi Hills kiba la ioh ia ka jingtip kaba bniah na ki tnat syntiat jong ka tnat shipai Border Security Force, ha ka 8 tarik, Naitung, 2025, ki la ioh kem ia ki arngut ki mynder Bangladeshi uwei u shynrang bad kawei ka kynthei kiba wan rung tuh shapoh u pud u sam jong ka ri India katba ki dang thmu ban leit phai sha ri Bangladesh.
Ha u kyrwoh ba la phah da ka tnat shipai BSF ha ka 10 tarik Naitung, 2025, la pyntip ba ki Pulit ki la ioh bat ia kawei ka kali Alto kaba don ia u nombar ML10-4104 ha surok Mawlai bypass, Shillong bad ha ka jingtohkit la lap ba ki arngut ki mynder Bangladeshi ki la wan rung tuh sha India da ka jingiarap jong ki ar ngut ki nong India ki la thmu ban leit phai sha Bangladesh.
Ia ki arngut ki mynder Bangladeshi bad ia ki arngut ki nong India lah rah noh da ki Pulit sha thanat ban pynlong shuh shuh ia ka jingtohkit kaba bniah.
