Shillong, Nailar, 04: Ka State Disaster Response Force (SDRF) ha ka Lah Sngi u Blei ka la ïoh tam ïa kawei ka metïap jong uwei u rangbah na wah Umshing kaba don hajan ka jingkieng kaba pynïasoh ïa ka surok Mawlai-Mawïong Byepass ha ka bynta jong ka Mawlai Umshing.
Da ka jingai jingtip jong ka District Disaster Management Authority (DDMA) East Khasi Hills, ka kynhun SDRF ba la lamkhmat da u Inspector Romario B. Marak ka poi sha jaka ba don ka metïap ha ka por 9:15 baje mynstep bad ïa ka metïap la lap tang hadien ba la wad hapoh 15 minit.
Ïa ka met ïap la aiti noh sha ki Pulit ban pyndep ïa ki jingdonkam katkum ka aiñ.
