Shillong, Nailar, 14: Ka Kashari District and Sessions Judge, West Jaiñtia Hills u NA Khan ka la rai pynrem ïa u Patrick Dkhar da kaba set phatok shi jingim ryngkat bad ka jingdaiñ kuna kaba T.5000 hajar halor ka jingdonkti jong u ha ka kam pynïap briew kaba la jia ha u snem 2010.
U Patrick Dhar u la shah rai pynrem ha ka kyndon 302 IPC halor ka jingpynïap briew bad la rai pynrem ïa u da kaba set phatok shi jingim ryngkat bad ka kuna kaba T. 5,000 hajar.
Lada um lah ban siew ïa ka kuna, u nongshah rai pynrem un hap ban bteng ïa ka jingshah set along sa shi bnai.
Kane ka mukotduma, ka la sdang da ka ejahar kaba la mudui ha ka 9 tarik Jymmang, 2010, da ka Kong Bil Lamare, ka para jong uba la khladnoh, u Rosingmon Lamare, ba la kynnoh ba u hynmen jong ka u la shah pynïap ha Barato ha ka 8tarik Jymmang, 2010, ha u pyrsa jong u, u Interly Talang bad u Patrick Dhar.
Ïa ka case la register ha Jowai P.S. Case No. 72(5)2010 hapoh ka Section 302/34 IPC bad ïa ka jingtohkit la bynshet u SI W. Vaiche.
Hadien ka jingtohkit kaba bniah bad ha ka jingbishar, ka Kashari ka la lap ba u Patrick Dkhar u dei uba donkti ha ka kam runar bad la rai pynrem ïa u da kaba set along shi jingim ryngkat bad ka jingdaiñ kuna.
