Shillong, Nailar, 29: Ka Kashari jong ka Kong R. Rymbai, Special Judge (POCSO), East Khasi Hills ha ka hukum ba la pynmih ha ka 27 tarik mynta u bnai ka la rai pynrem ban set phatok 10 snem ïa u Wanbhabok Kharlartang hapoh ka Section 4 POCSO Act hadien ba la register ïa ka case ha Mawsynram Police Station ha u snem 2013 hapoh ka Section 4 POCSO Act bad dain kuna T.30 hajar tyngka.
U kyrwoh ba la phah da u Superintendent of Police ka East Khasi Hills u la pyntip, lada u nongshah rai pynrem um lah ban siew ïa ka kuna un hap ban bteng ïa ka jingshah set phatok kaba 6 bnai.
Ïa ka jingtohkit la bynshet ha ka Women Police Inspector Melissa M. Momin kaba trei mynta ha North Garo Hills District.
