Shillong, Nailur, 01: Ka BJP Meghalaya State Unit ha ka Lah Sngi u Blei ka la mudui da ka ejahar pyrshah ïa ka MP jong ka Trinamool Congress na Kishnanagar Constituency ka Mahua Moitra halor ka jingkren pynjah burom ïa u Myntri ka tnat Kam Pohing ka Sorkar Pdeng u Amit Shah hakhmat ki lad pathai khubor ha ka 28 tarik, Nailar, 2025.
Ha ka ejahar ba la soi da u State Youth President ka BJP u Bah Mewaker Lyngdoh, ka BJP ka la kynnoh ba ka Mahua Moitra ka la kynthoh da kaba ong, “ïa u Amit Shah dei ban shu khrai khlieh” bad nalor kata la kynnoh shuh shuh ba ka Moitra ka la kren beiñ ïa ki jaidbynriew Matua bad pynmong ruh ïa ka jingngeit niam jong ki Sanatani.
Ka Kong Arena Hynniewta kaba long kawei na ki nongïalam ka BJP ha ka jingïakren bad ki lad pathai khubor ka la dawa ïa u Superintendent of Police ka East Khasi Hills District ban register case halor ka ejahar ba la ujor da ka party pyrshah ïa ka Mahua Moitra.
