Shillong, Nailur, 10: U Myntri ka Sorkar Jylla uba khmih ïa ka tnat Public Health Engineering u Marcuise N. Marak u la ong ba ka Jal Jeevan Mission (JJM) ka la ïoh ïa ka jingjop kaba khraw ha kaba pynpoi ïa ki um kor ha ki iing ki sem ha baroh kawei ka jylla Meghalaya.
Ïa mynta, kumba 82.91% na ka jingbuh thong la lah ban pyndep ha kaba 5,39,618 lak tylli ki longing ki la ïoh jingmyntoi na ka skhim.
Ha kaba ïadei bad ka jingpyntreikam ïa ka JJM hapoh ka Dadenggre C&RD block, ka jingpynbiang ka long 7200 hajar tylli ki longiing kaba kot 70% na ka thong kaba la buh ban kot sha ki 9950 tylli ki longiing katba hapoh ka Rongram C&RD Block ka jingpynbiang ka long kumba 14824 hajar iing kaba kot 37 percent na ka thong baroh kaba long 17163 tylli ki longiing, la pyntip u Marak ha ka Ingdorbar Thawaiñ haka sngi Balang.
