Shillong, Nailur, 11: Ka Kashari jong ka Kong P Syngkon, Special Judge (POCSO), Jowai, West Jaintia Hills ha ka 8 tarik mynta u bnai ka la rai pynrem da kaba hukum ban set phatok 3 snem bad dain kuna san hajar ïa u Juh Lhuid hapoh ka Section 7 jong ka POCSO Act, bda ka jingpynshitom hapoh ka Section 8 jong ka POCSO Act, 2012.
Ha u kyrwoh ba la phah da u Superintendent of Police, West Jaintia Hills ha ka sngi Palei u la pyntip ha ka 16.08.2018, u Bah Dister Sapuh, VDP ka Dongmihngi, u la ujor da ka ejahar ha kajuh ka sngi ha ka por kumba 6:30 baje janmiet ban pyntip ba uwei u briew u bym lah ban ithuh durkhmat u la pyrshang ban batbor ïa ki lai ngut ki kynthei ha Ïawthymmai, Dongmihngi, Jowai.
Uwei u briew u la lait phet da ka said, bad ka kali ba la donkam da kiba shah kynnoh bad u paralok ki la shah kem bad la aiti noh sha ki Pulit.
Ïa ka case la register ha Jowai Police Station hapoh ka Section 9(m)/10/16/17 jong ka POCSO Act bad la bynshet ïa ka jingtohkit ha ka WPSI I. Kharpran kaba la pynngat kyndon hadien ba la ithuh ïa u Juh Lhuid kum u nongshah kynnoh.
