Shillong, Nailur, 14: I heprit Insaphira Lyngdoh Mawnai, 4 snem ka rta i la jah rngai na phyllaw ka iingsah lajong ha ka sngi U Blei ha ka por kumba 8 baje mynstep.
I heprit Insaphira Lyngdoh Mawnai i dei i khun kynthei jong u Bah Gowell Lyngdoh bad ka Kong Labynta Lyngdoh Mawnai.
Katkum ka jingpyntip, i heprit Insaphira i la jah na phyllaw ïing bad ki bahaïing ki la pyrshang ban wad ha ki jaka ba marjan bad hadien ba kim la lap satia ki la pyntip sha ka Dong bad ka Dorbar Shnong bad ki la pyntip ruh sha ki Pulit ka Rynjah Police Station.
Na ka liang ka Dong ki la pynlong ka jingwad ïa i heprit Insaphira hapoh ka jingïalam jong u Secretary Dong u Bah Elphrin bad ki Asst. Rangbah Dong ba kynthup ïa u Bah Bah Roney bad u Bah Sutnga.
