Shillong, Nailur, 16: Ka All Primary School Teacher Association ha ka 16 tarik, Nailur, 2025 ka la rakhe kynmaw burom ïa ka lyngkhuh sngi ïap kaba 176 snem jong u Rev. Thomas Jones ïa uba la tip ruh kum u Kpa jong ki Alphabet Khasi bad ha kajuh ka por rakhe ïa ka jingdap 184 snem ka jingdon jong ki skul Lower Primary ha rilum Khasi bad Jaintia.
Ha ka jingïalang kaba la long ha Umsning Nongjri Ribhoi District la sakhi lang da u MLA jong ka Nongpoh Constituency u Bah Mayralborn Syiem uba la long kum u kongsan ryngkat ka jingïadonlang u MLA ka Mawhati Constituency u Bah Charles Marngar uba la long kum u Symbud Kongsan, u General Secretary jong ka All Primary School Teacher Association u Babu FC Shulai, u President u Babu Tonyfort War bad da ki spah ngut ki nonghikai kiba la ïa wan na kylleng ka jylla.
Ha kane ka sngi u Bah Mayralborn bad u Bah Charles ki la pyllait paidbah ïa ka thup sah jingkymnaw jong ka All Primary School Teacher Association.
