Shillong, Nailur, 19: Ka Khasi Students Union South West Khasi Hills District ha ka 19 tarik, Nailar, 2025 ka la aiti da ka jingthoh sha ka Ophis jong u Syiem ka Hima Maharam ban pan jingpynshai halor ki 6 tylli ki mat namar kumba long mynta ki khun ki hajar jong ka Hima ki sah ha ka umdum.
Ki hynriew tylli ki mat kiba ka KSU ka la pan jingpynshai na u Pa’iem Niandro Syiemiong ki long, ka jingtyrwa ban ai jaka ïa ki shipai ha Photmula. Ka jingai pata sha ki bym dei ki khun ki hajar jong ka hima Maharam ha ki thain khappud. Ka kyrdan jong ki Lyngdoh ki Basan kum ki nongtyrwa Syiem hapoh ka Hima Maharam. Ka kyrdan ki Myntri shnong ha ka Hima Maharam. Ka jingpynlong ain ïa ka Maharam Act, 2006 bad ka Maharam Rules 2009 khlem da wanrah shwa ïa ki sha ki Shnong bad ki Kur kumjuh ruh sha ki khun ki hajar jong ka hima maharam ba kin ïatai ïa kine ki Rule ha ka Act bad kaab khatduh ka long, Kaei ka daw ba u Syiem u khynniat ïa ka bor jingkitkhlieh sha ka Kur Syiemlieh neka “Kur Syiemiong ha kaba ïadei bad ka kam ai jaka shipai ïa ka khyndew raid, khyndew Hima) namar ba ki khun ki hajar ki khlem dawa na kita ki bor hynrei na u Syiem jong ka Hima.
Ka seng ka la maham ruh lada u Syiem ka Hima Maharam um pynshai ïa kine ki 6 tylli ki mat ka seng kan sha shim da kiwei de ki sienjam kiba kham tyngeh.
