Shillong, Nailur, 22: Ka Riya Suting, ka thei bhabriew na ka nongbah Shillong, Meghalaya ka kaba la ïoh rung sha ka jingïakhun phainal ha ka rynsan ïakob Miss P&I India 2025, kaba la long ha Goa ha ka sngi U Blei ka la ïoh phong ia ka pansngiat kum ka lahduh da kaba pynliem noh ia ki 30 ngut kiwei pat ki nongiashim bynta na kylleng ka ri India.
Kum ban shu pyntip, na ki 30 ngut ki thei bhabriew kiba ïakhun ban ïohphong ïa ka pansngiat lahduh, ka Riya ka la hap ban ïakhun ha ka jingiakob ia ka Dynamic, Reality TV-style Pageant ka ban long kum ka jingtynjuh ym tang ïa ka jingbhabriew ha ka rynieng ka ryniot, hynrei wat ha ka bor met bad ha ka jingproh ka bor jabieng.
Ka samla Riya ka la pyndep ïa ka jingshong skul na Madan Hindi Pathshala Secondary School. Ka la pyndep ïa ka Graduation na St. Mary’s College ha ka kyrdan 8th position ha ka Education Honours ha u snem 2018.
Ka la long ruh kawei na dkhot jong ka Daniel Syiem Ethenic Fashion House bad ka la jop teng kum ka Grand Miss Northeast ha u snem 2021 bad jop ruh 6 tylli ki khusnam ha ka rynsan ïakob.
