Shillong, Nailur, 22: Ha ka jingjia kaba pynkyndit katlah katïai kumba iuhtdong bseiñ u kpa u lap pynban ïa u khun ba u la pynkut ïa la ka jingim ha u tyllai phasi. U kpa u la lap ïa kane ka jingjia ha ka step lah Sngi U Blei.
Katkum ka khubor ba la ïohlum la ïathuh ba u samla uba la phasi ïalade ha iingsah lajong ha Madan Laban Dongrum, Shillong u dei uba la tip kyrteng kum u Dinesh Lama, 19 snem ka rta.
U Kpa u la lap ïa kane ka jingjia hadien ba u la kyndar ïa ka iing haba ym don ba plie ïa ka jingkhang iing na shapoh bad ynda u la rung hapoh iing u la lap pynban ïa la u jong u khun ba u la pynkut ïa ka jingim ha u tyllai phasi.
Ki Pulit ka Laban Police Station, Shillong kiba la ïoh jingtip halor kane ka jingjia ki la leit ban pynlong ïa ka jingtohkit bad pynkit noh ïa ka met sha Shillong Civil Hospital, ban leh ïa ka postmortem.
Ka jingtohkit kaba bniah halor kane ka jingjia da ki Pulit ka dang ïaid shakhmat.
