Shillong, Nailur, 30: Ka Kashari jong ka Special Judge (POCSO), East Khasi Hills Kong M.K. Lyngdoh katkum ka hukum ba la pynmih ha ka 25.09.2025 ka la rai pynrem ïa u Orlykupar Nongbri da kaba hukum ban set phatok 5 snem bad dain kuna T.20 hajar.
U kyrwoh ba la phah da u Superintendent of Police, East Khasi Hills Bah Vivek Syiem ha ka sngi Baar u la pyntip ba ïa ka case la rejistar ha Laban Police Station hapoh ka Case No. 32(03)2013 hapoh ka Section 9(m)/10 POCSO Act pule lang bad ka Sec 457 IPC.
Ka Kashari ka la hukum lada u nongshah rai pynrem um lah ban siew ïa ka kuna un hap ban bteng ka jingshong phatok sa hynriew bnai kum ka jingpynshitom hapoh ka Section 10 jong ka POCSO Act.
U nongshah rai pynrem la hukum ban set along 3 snem bad dain kuna T. 10,000 hajar kum ka jingpynshitom hapoh ka Section 457 IPC.
Ïa ka jingjia la tohkit da ka Women Police P Inspector M.M. Momin kaba trei mynta ha Resubelpara, North Garo Hills.
