Shillong, Risaw 03: Katkum ka bor ba la pynkup da ka clause (1) jong ka Article 316 jong ka riti Synshar ka Ri India, kaba pule lang bad ka kyndon 4 jong ka MPSC Regulations, 1972, kumba la pynkylla, u Lat ka jylla Meghalaya u sngewbha ban thung ïa u Dr. Charles Reuben Lyngdoh, Associate Professor, Synod College, Shillong kum u dkhot ka Meghalaya Public Service Commission, Shillong bad un treikam naduh ka tarik ba u la shimti ïa ka kam.
Ha ka samoi treikam jong u, un hap ban bud bad ban ïaineh ha baroh ki jingdonkam kiba la kdew bad don hapoh ka kyndon ba la kdew haneng, ong ka kyrwoh ba la phah da u Commissioner and Secretary ka sorkar jylla ba khmih ïa ka tnat Personnel and Admv. Reforms (B) Department, u CVD Diengdoh, IAS.
