Shillong, Risaw, 08: Ki Pulit ka Anti-Narcotic Task Force (ANTF) kiba la pynlong ïa ka jingkhynra ha Ïewduh ki la ïoh kurup 32.73 gram u drok heroin na kawei ka ïing kaba don ha Sweeper’s Lane, (Punjabi Lane).
Tang shu ïoh jingtip na ka tnat syntiat, ka kynhun ANTF ki la pynlong ka jingkhynra ha ka por 1:30 baje mynstep sngi Balang ha ka ïingsah jong ka Asia Begum, 24 snem.
Ha ka jingkhynra, ki Pulit ki la lap lai tylli ki synduk thep sabon ba la thep ïa u drok.
Ki Pulit ki la kem ruh ïa u kurim jong ka u Antaf Ali bad ïa ka Asia Begum bad aiti noh sha ki Pulit ka Cantonment Beat House bad ïa u drok ba la ïoh kurup.
