Shillong, Risaw, 08: U Justice Soumen Sen u la bam smai kum u Chief Justice ba thymmai jong ka Ïingbishar Meghalaya High Court.
Ïa u Justice Sen la pynbam smai da u Lat ka jylla Meghalaya u CH Vijayashankar.
Ha ka jingpynbam smai kaba la long ha Raj Bhavan la sakhi lang da u Myntri Rangbah ka Jylla u Conrad K Sangma, u Symbud Myntri Rangbah Bah Prestone Tynsong, u Nongïalam ka Liang Pyrshah Dr. Mukul Sangma, ki Myntri Sorkar, ki Ophisar Sorkar, bad ki muktiar.
U Justice Sen u la pynrung kyrteng kum u nongïasaid aiñ ha ka Bar Council jong ka West Bengal ha u bnai Kyllalyngkot, 1991 bad u la trei palat arphew snem ha ka Ïingbishar Calcutta High Court.
U la shah thung kum u Judge jong ka Ïingbishar Calcutta High Court ha ka 13 tarik, Ïaiong, 2011.
Shwa ban shah thung kum u Judge, u Justice Sen u la shakri kum u Senior Central Government Advocate, uba mihkhmat ïa ki bor treikam kum ka RBI, SEBI, bad SIDBI ha ki mukotduma bapher bapher, kynthup ïa ki jingïaleh pyrshah jong ki paidbah, ki riti synshar, ki Bank, bad ki jingïaleh pyrshah.
