Shillong, Risaw, 13: U Superintendent of Police ka East Khasi Hills District u Bah Vivek Syiem ha ka Lah Sngi u Blei u la ïathuh ba katkum ka jingtohkit jong ki Pulit ki la lap ba ka khynnah kaba la 14 snem ka rta ka la don jingïadei bad u samla jong ka shwa ba kan phet na la iing.
Ka khynnah 14 snem ka la jah kynsan na la iing ha ka por kumba 4 baje janmiet bad ki Pulit ki la ïoh pdiang ïa ka jingujor ha ka por kumba 6 baje janmiet bad pynlong ïa ka jingtohkit tad haduh ban da lap dien ïa ka khynnah bad ïa u samla jong ka.
Katkum ka jingïathuh u SP ha ki lad pathai khubor, kine ki arngut ki dei kiba la ïalang samla naduh 2 taiew eiei.
U la ïathuh ba ki Pulit ki la tian bishar ruh ïa u samla jong kane ka khynnah 14 snem ha Kashari da kaba pynngat hapoh ka kyndon rahbor bad set jubor bad hadien ba la ïalam ban leh ïa ka Medical Examination ki Pulit ki la aiti aiti noh ïa ka khynnah sha ki bahaiing hasem.
Haba kylli, u SP u la ïathuh ba une u khynnah u lah ban ngat ruh wat ha ka jingshah set phatok kaba kot 3-7 snem.
