Shillong, Risaw, 31: Uwei u briew ba la ithuh kyrteng kum u Banaiborlang Mawa u la shah rai pynrem da kaba shah set along san snem halor ka jingdonkti hapoh ka POCSO case ba la rejister hapoh ka Sohra Police Station ha u snem 2013.
Ha ka hukum ba la pynmih dang shen, ka Kashari jong M.K. Lyngduh, Special Judge (POCSO), East Khasi Hills, Shillong ka la ong ba u nongshah kynnoh un hap shong phatok san snem bad un hap ban siew ïa ka kuna kaba T. 20,000 hajar kum ka jingshah pynshitom hapoh ka Section 8 jong ka POCSO Act.
Lada um lah ban siew ïa ka kuna un hap ban shong along sa hynriew bnai. Shuh shuh ka Kashari ka la rai pynrem ruh ba un hap ban shong phatok 6 bnai kum ka jingynshitom hapoh ka Section 342 IPC.
Ïa ka jingjia la tohkit da ka WPSI E. Diengdoh.
