Shillong, Naiwieng, 08: Arngut ki runar kiba la ïoh ring dur lyngba ka CCTV ki la rong tuh ïa kawei ka motorbike Suzuki Gixxer SP 150 CC kaba don ha u number ML05 X 4842.
Ha ka ejahar ba u Bah Ferguson Shylla u la ujor sha ki Pulit ka Laitumkhrah Police Station ha ka sngi Saitjaiñ ula pyntip ba la lap ba ka thuk thuk jong u ka la jah rngai da ka kiaw kurim jong u ha ka por 7 baje mynstep na ka jaka ba la pynïeng hajan iing jong u harud surok Laitumkhrah hajan ka Vijaya Bank.
U la ïathuh ba katkum ka jingïathuh jong uwei u nongtrei jong u, ba ka thuk thuk jong u kam don satia ha ka jaka ba la pynïeng naduh ka 7 tarik, Naiwieng, 2025 bad ong ruh ba u suba ba ka thuk thuk jong u ka la shah rong tuh ha ka step sngi Thohdieng ha ki briew ki bym lah ban ithuh durkhmat.
Katkum ka durkhih ba la ïohi lyngba ka CCTV la sakhi ba ki don arngut ki briew ki bym lah satia ban ithuh durkhmat kiba la pyrshang shwa ban swait briew bad rong tuh ïa ka thuk thuk jong u ha ka sngi Thohdieng ha ka por kumba 2.50 baje mynstep.
