Shillong, K’lyngkot, 19: Ki paidbah ryngkat ki bahaïing hasem ha ka 18 tarik mynta u bnai ki la lap ïa ka metïap u samla Khlaiñkupar Nongsiej, 22 snem uba don jingthut ha ka bor pyrkhat pyrkhat uba la jah na la iing na ka shnong Rangmaw, South West Khasi Hills District.
Ïa ka met ïap jong u samla Khlaiñkupar Nongsiej la lap da ki paidbah shnong ryngkat ki Pulit ha ka por kumba 2:00 baje noh phai sngi na kawei ka thwei ha wah Umngi.
Kum ban shu pynkynmaw, u samla Khlaiñkupar Nongsiej u la mih na la ïing ha ka naduh ka 13 tarik mynta u bnai ha ka por kumba 11:30 baje mynstep bad naduh kata ka por um shym la leit phai shuh sha la iing.
Ha kaba ïadei bad kane ka jingjia ki bahaïing hasem ki la kyrpad ïa u Addl. Deputy Commissioner ka South West Khasi Hills District ban ym leh postmortem namar kim don kano kano ka jingsuba sniew bad ïa ka met jong u samla Khlaiñkupar la aïti noh sha ki bahaïing ba kin pyndep ïa ka jinglehniam ba khatduh.
