Shillong, K’lyngkot, 19: U Myntri ka Sorkar Jylla u Bah Sanbor Shullai uba long ruh u MLA ka BJP na South Shillong Constituency ha ka Lah Sngi u Blei u la ïakynduh ïa u Myntri ka Sorkar Pdeng uba khmih ïa ka Ministry of Roads Transports and Highways ban pynsngew halor ka jingshim por shaba palat ka jingshna ïa ka surok Fourlane na Umshyrpi sha Sadew.
Ïa u Bah Sanbor la synran lang da u State President ka BJP Meghalaya Pradesh u Rikman Momin bad kiwei kiwei ki nongïalam ka party.
Ha kajuh ka por u Bah Sanbor u la pynsngew ha u Myntri halor ki nala pyntuid um ha Shillong Cantonment Area ïa kiba ym shym la khmih satia da ka NHIDCL.
U
Bah Sanbor u la pynpaw ruh u Myntri ba la donkam kyrkieh ban shna ïa ka Flyover na Barik sha Jhalupara Taxi Stand ban weng ïa ka jingdheng kali.
Ha u kyrwoh ba la phah sha ki lad pathai khubor u Bah Sanbor u la pyntip ba u Gadkari u la kular ba un sa ïakren bad ka Ministry of Defence ban ai jaka sha ka NHIDCL na ka bynta ban shna ïa ka Flyover project.
“U Myntri ka Sorkar Pdeng u la ai jingmut ruh ban thaw ïa ka Infrastructure Development Committee na ka bynta ban shna pyndep kham kloi ïa ka Flyover,” la ïathuh u Bah Sanbor.
