Shillong, K’lyngkot, 22: Hynñiew ngut ki khynnah skul na kane ka jylla Meghalaya ki la leit ban ïashim bynta ha ka 2nd Federation Cup Taekwondo 2025-2026 kaba long ha nongbah Jaipur, Rajasthan.
Ha ka Poomsae ki don ar ngut kiba la ïoh khur takma, kata, ka Larina Daniel Lyngdoh Mawlong na Loreto Convent, Shillong, bad u Clifford Luiram na St Anthony’s Higher Secondary School, Shillong. Kine ki arngut ki la ïoh khur ïa ka takma rnong. Katba ha ka Free Style ka Aira H. Wahlang na Loreto Convent, Shillong ka la ïoh khur ïa ka takma rupa.
Nalor kine ki lai ngut ki dang don kiwei ruh ki khynnah kiba dang ïashim bynta ha ki jingïakhun.
Ïa kine ki khynnah skul, la ïalam da ka Pinky Narzary kaba dei ka International Refree bad kaba dei ka Coach ha Loreto Convent, Shillong ka Coach jong ka Shillong Teakwondo Academy kaba don ha ka shnong Nongrimmaw.
