Shillong, K’lyngkot, 22: Ka United Forum of Bank Unions, Meghalaya State Unit ha ka sngi Palei ka la pynbna ba baroh ki Bank kin khang khyrdep ha baroh kawei ka ri India ha ka 27 tarik, Kyllalyngkot, 2026 ban dawa ïa ka Sorkar ba ka dei ban ai shuti noh ïa ki nongtrei jong ki Bank manla ka sngi saitjain.
Ha Meghalaya ruh, ka Union Forum of Bank Unions, Meghalaya State Unit ka la pynbna ban ïasnohkti lang ha ka jingkhang khyrdep ïa ki Bank da ka jingïatreilang bad ka All India Bank Employees Association, ka All India Bank Officers Confederation bad ka National Confederation of Bank Employees.
U State Secretary ka All India Bank Officers Confederation u Bah Davis Lyngdoh bad u General Secretary ka Meghalaya Bank Employees Association u Bah David Laloo, ki la ïathuh ba tang ki Bank Private ki lah ban plie ha katei ka sngi.
