Shillong, Rymphang, 04: Ka Kashari Special Judge (POCSO), Jowai ha ka 17 tarik, Rymphang, 2026 ka la bthah ïa ka tnat Pulit ban thwet ïa u Lambun Sungoh, 52 snem ka rta na ka shnong Khliehrangnah, West Jaiñtia Hills District ïa uba la kynnoh ba u donkti ha kam leh beijot, uba la phet rieh la kumba katto katne por khlem da leit hajir satia hakhmat ka Kashari ban jubab ïa ki jingshah pynngat kyndon pyrshah ïa u.
Ha u kyrwoh ba la phah da u Superintendent of Police ka West Jaiñtia Hills District ha ka sngi Baar sha ki lad pathai khubor, la pyntip ba u Lambun Sungoh u don ïa ka durkhmat ba pyllun, u shniuh uba iong, ka rynieng kaba 5 phut san inshi bad ka durkhmat kaba iong.
U SP u la kyrpad ba lada don kino kino kiba don jingtip shaphang ka jaka rieh jong u Lambun Sungoh kin pyntip marmar sha ki thanat kiba don hajan lane ki lah ban shu telephone ha u mobile number 9774065467 jong ka PCR Jowai.
