Ai burom bad sam khusnam ka Seng Kur Dkhar Sawkpoh ïa ki kur ba la 80 snem
Shillong, K’Lyngkot 12: Ka Seng Kur Dkhar Sawkpoh ba kynthup ïa ki Sawian, Phanbuh-Phankon, Ngapkynta bad Kharwanlang ha ka sngi Saitjaiñ ka la pynlong ïa ka Dorbar Pyllun ha U Soso Tham Auditorium, Shillong bad ha kane ka sngi la leh burom bad sam khusnam ïa ki para Kur kiba la kynjoh ïa ka 80 snem shaneng.
Ka Seng Kur ka la ai khusnam bad pynkup burom ïa ki samla pule kiba ïoh 90% shaneng ha u snem 2024 ha ki kyrdan jingpule bapher bapher haduh Ph. D bad kumjuh ruh ïa kiba paw bha ha ka sports, ka sengkam sengjam bad kiba la noh synñiang sha u sup u thiar jong ka imlang-sahlang.
Shwa ban sdang ïa ka Dorbar Kur, la kyntiew ïa ka lama Kur ba da u President bad ki Rangbah Kur ba la pynbud pat sa sa ka jingrwai Anthem jong ka Kur hadien kata, la pdiang sngewbha na ka Laban Unit da u President u Bah Peter Sawian, ka jingkren lamphang da u President jong ka Seng Kur Dkhar Sawkpoh u Bah Tainington Ngapkynta, ka jingpyllait ïa ka “Thup Rakhe Jubili Rupa 2024″ da u President jong ka Seng Kur Dkhar Sawkpoh.
La kynmaw bad la ai burom ruh ïa ki longshuwa kiba la khladnoh na kane ka sla pyrthei kiba long ki nongseng ïa ka ‘Seng Kur Dkhar Sawkpoh’, bad ka jingpynkupburom ïa ki longkñi bad ïa ki longkmie kiba la palat 80 snem ka rta.
Nalorkata, la bteng pat sa ka jingkren halor ka phang – “Ka Mynta ka pher na ka Mynnor“ na ka Kong Alvareen Dkhar Ngapkynta bad ka jngkren halor ka phang “Ka Akor ka Burom, Ka Longbriew Manbriew ha ki Longiing longsem ha ki Por Mynta” na ka Kong Pdianglin Phanbuh.
Ha ka Dorbar Kur la pynpaw ïa ka kaiphod halor ka jingtrei kam jong ka Seng Kur na ka bynta ka samoi treikam jong u snem 2024, ki jingïoh bad ki jinglut jingsep na ka bynta ka samoi treikam jong u snem 2020-2024.
Ha kane ka sngi, ka Kong Rita Dkhar Ngapkynta ka la pdiang ruh ïa ka syrnot ai khublei na ka bynta u kpa jong ka kmie uba la khlad noh u Dr. Hamlet B. Ngapkynta halor ka jingnoh synniang ïa ka seng, ïa ka kynhun Kur kaba nyngkong eh ha u snem 1999.
Ka Seng Kur ka la ai khusnam bad pynkup burom ïa ki samla pule kiba ïoh 90% shaneng ha u snem 2024 ha ki kyrdan jingpule bapher bapher haduh Ph. D bad kumjuh ruh ïa kiba paw bha ha ka sports, ka sengkam sengjam bad kiba la noh synñiang sha u sup u thiar jong ka imlang-sahlang.
Shwa ban sdang ïa ka Dorbar Kur, la kyntiew ïa ka lama Kur ba da u President bad ki Rangbah Kur ba la pynbud pat sa sa ka jingrwai Anthem jong ka Kur hadien kata, la pdiang sngewbha na ka Laban Unit da u President u Bah Peter Sawian, ka jingkren lamphang da u President jong ka Seng Kur Dkhar Sawkpoh u Bah Tainington Ngapkynta, ka jingpyllait ïa ka “Thup Rakhe Jubili Rupa 2024″ da u President jong ka Seng Kur Dkhar Sawkpoh.
La kynmaw bad la ai burom ruh ïa ki longshuwa kiba la khladnoh na kane ka sla pyrthei kiba long ki nongseng ïa ka ‘Seng Kur Dkhar Sawkpoh’, bad ka jingpynkupburom ïa ki longkñi bad ïa ki longkmie kiba la palat 80 snem ka rta.
Nalorkata, la bteng pat sa ka jingkren halor ka phang – “Ka Mynta ka pher na ka Mynnor“ na ka Kong Alvareen Dkhar Ngapkynta bad ka jngkren halor ka phang “Ka Akor ka Burom, Ka Longbriew Manbriew ha ki Longiing longsem ha ki Por Mynta” na ka Kong Pdianglin Phanbuh.
Ha ka Dorbar Kur la pynpaw ïa ka kaiphod halor ka jingtrei kam jong ka Seng Kur na ka bynta ka samoi treikam jong u snem 2024, ki jingïoh bad ki jinglut jingsep na ka bynta ka samoi treikam jong u snem 2020-2024.
Ha kane ka sngi, ka Kong Rita Dkhar Ngapkynta ka la pdiang ruh ïa ka syrnot ai khublei na ka bynta u kpa jong ka kmie uba la khlad noh u Dr. Hamlet B. Ngapkynta halor ka jingnoh synniang ïa ka seng, ïa ka kynhun Kur kaba nyngkong eh ha u snem 1999.
