Shillong, ïaïong, 05: Ka North Eastern Electric Power Corporation (NEEPCO) ha ka sngi Palei ka la sngewbha ïa ka Military Hospital, Shillong ïa ka kali kit nongpang kaba don 6 tylli ki jaka shong ba la pyndonkam da ki Battery ba la mang lyngba ka CSR Scheme 2024-2025.
Ha ka jingaiti ïa ka kali la sakhi lang da u Director (Personnel) ka NEEPCO u Major General Rajesh Jha, u u Lt. Gen. Sanjay Malik, GOC-101 nalor kiwei kiwei.
U Major General Jha u la ïaroh ïa ki jingshakri ba kongsan jong ka Military Hospital, Shillong ha ka liang ka koit ka khiah bad u la ban jur ïa ka jingdonkam ban ïatreilang ha ki por ban wan bad ong ruh lyngba ka jingïatreilang hapdeng ka NEEPCO bad kiwei kiwei ki kynhun kiba don hapoh ka tnat shipai yn sa kham lah ban ai ka jingshakri la ka long ha ka koit ka khiah, ka pule puthi ne ki kam ïalehkai.
Kane ka jingai sngewbha jong ka NEEPCO ka long kum shi bynta ban noh synniang sha ka imlang ka sahlang.
