Shillong, Jylliew, 05: Ka Seng Longkmie Seng Khihlang ha ka sngi Palei ka la aiti ha u Lat ka Jylla u CH Vijayashankar ïa ka dur jong u Babu Jeebon Roy ban buh ha Raj Bhavan kum ka dak ban pynsah jingkynmaw ïa u Babu Jeebon Roy ïa uba la ñiew kum u Kpa jong ka jaidbynriew Khasi.
Ha ka jingïakren bad ki lad pathai khubor, ki nongïalam jong ka Seng Longkmie Seng Khihlang ki la ïathuh ba u Lat ka Jylla u la pdiang ïa kane ka jingtyrwa ha kaba ki la aiti ruh ïa ka dur jong u Babu Jeebon Roy ïa kaba la ai hi da ki khun ksiew jong u Babu Jeebon Roy khnang ba ki paidbah kin dup tip bad kin dup wad bniah shuh shuh shaphang ka jingim bad ki jingtrei jong u Babu Jeebon Roy mynba u dang im ha kane ka sla pyrthei.
