Shillong, Risaw, 27: Ka jingïakob niah kali ha ka ahor ktieh bad ha ki jaka ba khohrum khohram kaba la long ha ka shnong Mawlyndep ka la khring ïa ki hajar ngut ki paidbah nongpeit kai ban sakhi ïa ka jingtbit jong ki nongniah kali na kylleng ka ri Khasi bad Jaiñtia bad nabar jylla ha ka 7th AHOR 4X4 Off Road Challenge 2025 ba la pynlong da ka Adventurous Hynñiewtrep Off Roaders ne AHOR.
Ha ka sngi pynkut kaba la long ha ka sngi Saitjaiñ jong ka taiew baladep, la pynïakhun ha ki 3 tylli ki kyrdan kata ha ka Stock Category, ka Semi-Modified Category bad ha ka Pro Modified Category ha kaba u MLA jong ka South Shillong Constuency u Bah Paul Lyngdoh u la long kum u Kongsan, ryngkat u President jong ka AHOR u Bah Damian Umdor, u Secretary u Bah Fedinand Jahrin, u Vice President u Bah Ferdinald Kharkamni bad kiwei kiwei.
Ki nongjop ha ka kyrdan ki nongshim bynta ba la rangbah tam la ïoh rah da u Bah Eugene Niangti, ïa ka nam Best Driver ha ka Stock Category la ïoh rah da u Bah Bawan Passah, ïa ka nam Best Co-Driver la ïoh rah da u Bah Bari Umdor.
Haba phai phat sha ka kyrdan Semi Modified Caterory ïa ka jingjop la ïoh rah da u Bah Lickstar Marbaniang bad Best Co-Driver la ïoh rah da u Bah Bathiangkupar Dkhar, .
Ha ka Pro-Modified Category ïa ka nam lahduh la ïoh rah da u Bah Eugene Niangti bad ïa ka nam Best Co-Driver la ïoh rah da u Bah Arland Kharumnuid kynthup kiwei kiwei ki khusnam.
Ïa ka nam lahduh ha ka Stock Category la ïoh rah da u Bah Bari Umdor bad Dawan Passah, ha ka Semi Modified Category ïa ka nam lahduh la ïoh rah da u Bah Lickstar Marbaniang bad u Andrew Khongjee katba ha ka Pro Modified Category la rah da u Bah Highfill Syiem bad u Bah Patsha Kharkongor.
Ha ka liang jong ki kynthei ïa ka nam lahduh la ïohrah da ka samla Banpynsuklang R.L Mawlong bad ïa ka kyrdan kaba ar la ïoh rah da ka samla Febronia E. Pajat.
