Shillong, K’lyngkot, 04: Jin haduh ar kynta ka la don ka jingsahkut ki kali ha shiteng ka surokbah Dawki-Shillong kaba ju jia khah khah.
Kane ka jingsahkut ki kali ka la jia ruh ha ka sngi U Blei ha ka por kumba 3:00 baje nohphai sngi tad haduh ka por 5:00 baje janmiet ha ka por ba ki nongtrei ki dang tih ia ka khyndew ha ka shnong Mawlieh ka shong kaba don marjan bad ka shnong Langkyrdem.
Kane ka jingsahkut ki kali kaba la neh da ki kynta ka la wanrah jingeh ruh ia ki paidbah kat haduh ba ka la pynthud ia ka leit ka wan jong ki.
Ha kane ka jingbym shah iaid ia ki kali ki la don da ki spah tylli ki kali kiba kiew bad kiba hiar lyngba ka surok Shillong-Dawki kiba la kynduh ia ka jingeh kaba kynthup ia ki kali shimet, ki kali kamai bad ki kali tourist kiba wan jngohkai ha kane ka thaiñ.
