Shillong, Naitung, 20: Uwei u briew u la shah kem ryngkat bad ar tylli ki Scooty tuh ha North Garo Hills District ha ka sngi U Blei.
Lyngba ka jingthwet kaba jur, ka jingpynlong ïa ka jingtohkit kaba bniah bad ka jingbuddien ïa ki jingjia bapher bapher, ki Pulit ka North Garo Hills District ki la ïoh ba kurup ïa ki ar tylli ki Scooty ba la shah tuh, la pyntip ki Pulit.
Ka jingïoh kurup ïa kine ki Scooty ka long da ka jingphla jong uwei uba la shah kem u Palsrang R Marak ba ju khot sin Chusrang, 20 snem ka rta, uba sah ha Tengasot, Goalpara, nnn la ïathuh ki Pulit.
Ïa ka case la register ha Resubelpara Police Station. Ïa u Marak, ki Pulit ki la tian bishar ha Kashari katkum ki kyndon jong ka aiñ.
Shwa kane, dang ha ka sngi Palei ki Pulit ki la ïoh kurup kawei ka Scooty bad kem ruh ïa uwei u briew uba donkti ban rong tuh
Ki Pulit ka North Garo Hills ki la ong ba kin ïai pynneh ïa ka shongsuk shongsaiñ bad kin pynïoh ruh ïa ka hok lyngba ki jingtrei shitom bad ka jingpyni kam mardor pyrshah ïa ki kam runar ruser.
