Shillong, Naiwieng, 28: Ka Iingbishar Meghalaya High Court ka la bthah ïa ka Sorkar Jylla ban pynneh ïa ka Status Quo ha kaba ïadei bad ka jingthmu ban pynpra ïa ka State Circuit House.
Ïa ka PIL la mudui da u Registrar ha kaba ïadei bad ka histori bad ka jingkylla jong ka jaka sha ka Circuit House jong ka jylla.
“Ïa kane ka kam dei ban buh hakhmat ka PIL Bench ba man ka por jong u Chief Justice badonburom. Ka jinglong jingman ha kaba ïadei bad ka jaka kan sah haduh ka tarik kaba bud,” ong ka Bench kaba kynthup ïa u Justice H.S Thangkhiew bad u Justice B. Bhattacharjee ha ka hukum ba la pynmih ha ka sngi Palei (27 tarik, Naiwieng).
“Ngi la ai ïa ka Affidavit kaba lyngkot, bad ïa ka Affidavit kaba kham bniah yn sa ai hadien ba la bishar bniah ïa ki jingthoh ba ïadei bad kane,” la ong u Advocate General A. Kumar.
U Amicus Curiae S. Chakrawarty u la ong ba un sa aiti ïa ka Affidavit tad ynda la ïoh pdiang ïa ka Affidavit kaba bniah na ka Jylla.
