Shillong, K’lyngkot, 27: Kawei ka iing sah ka Sharda Pradhan ha ka shnong Jhalupara, Shillong ka la kem ding kynsan ha ka por kumba 3:30 baje noh phai sngi ka Lah Sngi u Blei.
Tang shu ïoh jingtip halor kane ki Pulit jong ka tnat Fire and Emergency Services na Nongthymmai ki la leit mar mar ryngkat bad ki kali pynlip ding ban tem ïa ki thylliej ding kiba klang shwa ba ka ding kan pur sha ki ing kiba markhap bad namar ka jingjur shaba palat jong ka ding, ki kali pynlip ding na Mawngap, Sanmer, Mawlai ki la leit ban ai jingïarap lang khnang ban ïoh pynlip noh ïa ka ding.
Katkum ka thymmei khubor ba la ïohlum la ïathuh ba kat haduh mynta ym shym la don satia mano mano ba mynsaw ha kane ka jingjia.
Kat haduh ba la pynmih ïa kane ka khubor ym pat lah satia ban ïoh jingtip ïa ka daw tynrai kaba wanrah ïa kane ka jingjia ba sngewsih.
