Shillong, ïaïong, 07: U MP Rajya Sabha na Meghalaya u Dr.W.R Kharlukhi ha ka Lah Sngi u Blei u la ong ba ka shong ha ka bor jong ka District Council ban jied ia u MDC shu sieh kumjuh ruh ha ka Khasi bad Jaiñtia Hills Autonomous District Council bad ka Sorkar ka shu ai tang ia ka jingmynjur.
Ha ka jingiakren bad ki lad pathai khubor, u Dr.Kharlukhi u la ong ba katkum ki kyndon ka District Council ka ju phah ia ka kyrteng bad ka Sorkar kan bishar bniah hynrei u la ong ba don pat ki khep ba ka Sorkar kam shym la ai jingmynjur.
U la pynkynmaw ba ka la don ka khep ba ka Garo Hills Autonomous District Council (GHADC) ka la tyrwa da ka kyrteng u Conrad K. Sangma kum u MDC shu sieh hynrei ka Sorkar Jylla kam shym la ai jingmynjur.
U Dr. Kharlukhi u la ong ruh ki nongmihkhmat ki dei kiba la jied bad pynkupbor da ki paidbah bad ki dei ban burom ia ka rai ba la pynkup ha ki da ki nongjied.
