Shillong, Nailar 25: Ki shipai BSF bad ki Pulit ka Meghalaya ki la ïoh bat lai tylli ki trok kiba leit sha ka shnong Lyngkhat bad kem ruh ar ngut ki nong India ha khappud bad ka ri Bangladesh.
Kine ki lai tylli ki trok ki dei kiba kit shini da ka jingthmu ban shalan tuh sha ka ri Bangladesh lyngba thaiñ Lyngkhat kaba hap ha u pud u sam jong ka East Khasi Hills District.
U Kyrwoh ba phah da ka tnat shipai BSF ka ïathuh ba ka shini baroh ba la ïoh kurup na ki lai tylli ki trok ka la kot 74,000 hajar kilo.
Ki BSF ki la ïoh ban bat ruh ar ngut ki nong India kiba don hapoh kine ki kali bad haba tojkit ki nongñiah jong kine ki trok kim shym la lah ban ai kano kano ka jingpynshai ha kaba ïadei bad ka jingkit ïa ka shini.
Ka jingiohkem jong ki shipai BSF ïa kine ki briew dei na ka jingïatreilang bad ki Pulit ka jylla Meghalaya. Ïa ka shini, ïa ki trok bad ki arngut kiba la shah kem la aiti noh sha ki Pulit jong ka Pynursla Police Station ba kin leh ïa kaba donkam katkum ki kyndon jong ka aiñ.
