Shillong, Risaw, 28: Ar ngut ki briew bym pat lah ban ithuh ki la phet krad ïalade bad iehnoh ïa kawei ka kali Expresso kaba don ïa u number AS 01 EG 7234 hapdeng surok bad kane ka la pynsuba sniew ïa ki Pulit kiba dang pynjur ïa ka jingtalasi kali ha surok bah National Highway ha Nongpoh.
Ïa ka kali kaba dang thmu ban hiar sha Guwahati la ïoh bat da ki Pulit ha ka por kumba 12:40 baje eiei shiteng synñia bad ha ka jingtalasi hapoh kali la lap pynban ïa ki song Ganja.
Hadien ka jingtalasi ki Pulit ki la kurup noh ïa ka kali bad ïa ki song jingdih buaid bad mynta ka sngi Baar da ka jingdonlang ki nongsakhi la sei noh ïa ki song Ganja napoh kali kiba don kumba 28 song bad ka jingkhia kumba 206.054 kilo.
Ki Pulit ki dang pynlong ka jingtohkit bad thwet ïa ki ar ngut kiba phet krad.
Ki Pulit ki la register case hapoh ki kyndon jong ka NDPS Act.
