Shillong, Nailur, 12: San ngut ki snar nonglute kiba donkti ban lute ïa kawei ka trok kaba ieng harud surok ha ka shnong Umnget da kaba pyndonkam ïa kawei ka kali Auto Rickshaw ki la shah bom shnong ha ki paidbah.
U nongñiah trok uba la lait phet na ka kti jong ki nonglute u la leit pan jingïarap na ki paidbah ha kaba ki la mih ban kthong ïa ki nonglute bad ïohkem ïa ki san ngut ki nonglute ha ka shnong Quinnine.
Ka trok kaba la shah lute ka dei kaba don ïa u number AS 01-GC-3086, ïa kaba la niah da u Tuta Dey, uba la 28 snem ka rta na ka jylla Tripura bad u la shah lute ha ka miet 11 tarik Nailur, 2024 katba u shet jingshet hapoh Kali. Kane ka kynhun ki nonglute ka la ïoh ban rong katto katne ka pisa.
Halor kane ka jingjia, ym pat ïoh satia ïa ki kyrteng jong kine ki nonglute bad ki Pulit jong ka Nongpoh tang shu ïoh jingtip halor kane ki la leit ban shimti noh ïa kine ki san ngut ki nonglute ban ïalam sha thanat.
