Shillong, Nailar 31: Ka Ïingbishar Meghalaya High Court ka la bthah ban pyntreikam shwa ïa ka hukum ba shipor kaba bthah ïa ka Sorkar Pdeng ban pdiang ïa kiwei pat ki kot ki sla kiba pynithuh ïa ki briew ki bym lah ban ai ïa u Aadhaar Number.
“Kane ka hukum ba shipor jong ngi kaba 21 tarik Naitung, 2025, ka bthah ïa ki bor Sorkar ban pdiang ïa kiwei pat ki kot ki sla kiba lah ban pynithuh ïa ki briew tad haduh ba kin da la ïoh Aadhaar Card,” ong ka Division Bench ba kynthup ïa u Chief Justice IP Mukerji bad Justice W Diengdoh ha ka hukum ba la pynmih ha ka sngi Saitjaiñ hadien ba shong bishar ïa ka PIL u Greneth M Sangma.
Ka Unique Identification Authority of India (UIDAI) ka la aiti ïa ka Affidavit ban pyrshah wat hadien ka jingbthah halor kane da ka Ïingbishar.
ïa ka PIL la buh sngi ban shong bishar biang ha ka 17 tarik Nailur, 2025.
