Shillong, Naiwieng 11: Ka sorkar jylla lyngba ka tnat ka Kit ka Bah ka la pynmih ïa ka jingpynbna lyngba u Secretary ba baroh kiba ïoh ïa ki jingbit ñiah kali kiba kynthup ïa ki kali kiba kit ïa ki nongleit nongwan ba ki dei ban ai ki jingpynithuh ïa la ki nongñiah.
Kane ka jingpynbna ka dei kaba la pynmih lyngba ka No.TPT.44/2025/10 ka 23 tarik u Nailar 2025, kaba ong ba baroh ki nongñiah kali ki dei ban pynithuh bad pyni ruh ïa ki permit jong ki, la ka dei ha ki jaka pule ne ha kiwei kiwei, hynrei kin hap ban pyni ne wah ïa ki jingtip ba bniah jong ki ha ka ktien phareng bad kumjuh ruh ha ka ktien kaba ïa sngewthuh lang bad ïa kane kidei ban wah ha dashboard ne ha ka jaka shong kaba hakhmat.
Dei ban ai ïa ka kyrteng u ne ka nongñiah, ïa ka driving license number, ki jingtip ba bniah, ka Permanent address, ka kyrteng u Conductor bad ka license number bad kiwei kiwei ki jingtip ba bniah bad ïa kane ki dei ban pyndep hapoh ka 30 sngi naduh ba la pynmih ïa kane ka jingpynbna, ong u kyrwoh na u Secretary ka State Transport Authority, Shillong.
