Shillong, Risaw 01: Kumba saw ngut ki briew ki la mynsaw ha ka jingbthei kaba la jia ha kawei ka dukan die marjot ha Keating Road, Shillong ha ka sngi U Blei.
Kane ka la jia ha ka por kumba 1:00 baje nohphai sngi. Napdeng ki saw ngut kiba la mynsaw, ar ngut ki dei ki nongtrei jong kane ka dukan die marjot katba arngut kiwei pat ki dei ki briew kiba shong hapoh kawei ka dukan khap shñiuh kaba don markhap bad kane ka dukan die marjot.
Ki Pulit ryngkat bad ki Pulit ka tnat Fire and Emergency Service ba la synran lang da ki Pulit ka Bomb Squad bad ki ksew jong ka K-9 ki la leit mar mar sha kane ka jaka ban pynlong ïa ka jingtohkit kaba bniah.
U Superintendent of Police ka East Khasi Hills u Bah Sylvester Nongtnger ha u kyrwoh ba la phah sha ki lad pathai khubor u la ïathuh ba ka jingbthei ha ka dukan die marjot ha Keating Road ka la jia katba ki nongtrei ki dang pyrshang ban pied ïa ki tyndong ai rong ryngkat bad ka jingdih duma.
