Mawkyrwat, Nailur, 30: Ki nongïalam jong ka nongïalam jong ka NPP Photjaud Rangthong Primary Unit ha ka Lah Sngi u Blei ki la aiti noh ïa ka ïiing ba ladep pynshna sha ka Kong Syrpailin Thongni ha ka shnong Photjaud, South West Khasi Hills District.
Ka Kong Syrpailin Thongni ka la duh noh ïa ka ïiing naduh u snem 2019, kata, shwa ban wan lynshop ka jingpang khlam Covid-19 hadien ba ka shah bam duh ha ki thylliej ding. Hadien kane ka jingjia, ka dorbar shnong ka la ïarap ban pynshna da i ïiing iba rit ba ka Kong Syrpailin kum ka riewkynthei bad la ki khun ki kti kin ïoh ban rieh tngen shipor na ka jingshoh u lap, ka sngi bad ka lyer. Hynrei namarba la ban palat ka jingduk ka Kong Syrpailin Thongni kam shym la lah satia ban shna pynbha ïa ka ing kaba la sdang tor bad ha ka por slap ka um ka rung lut shapoh jong ka ing.
Ki nongïalam jong ka NPP Photjaud Primary Unit kiba la ïohi ïa kane ka jingshem jingjar jong kane ka riewkynthei da kawei ka sur ki la shim ïa ka rai ban pynshna noh da ka ïiing kaba bha kat ha i bor iba rit.
Ïa kane ka ïiing ba thymmai jong ka Kong Syrpailin bad ki lai ngut ki khun la aiti da u Working President jong ka NPP Ranikor Block u Bah Mandilos Nongbri uba dei ruh u kyrtong jong ka party ban aireng ha ka elekshon MDC ha kaba la sakhi lang da u Myntri ka shnong Photjaud bad ki nongkitkam shnong bad kiwei kiwei.
