Shillong, Naitung, 28: Ka kynhun jong ki nongpynïakob khwai dohkha na South West Khasi Hills District hapoh ka jingïalam jong u samla Baiaineh Thongni ha ka sngi Saitjaiñ jong ka taiew baladep ki la leit jngoh bad noh synniang ruh da ki marbam mardih lem bad ka song pisa ïa ki khunswet ba la ri da ka Hope of Life Girls, kaba don ha ka shnong Mawlangwir bad ka Hope of Life Boys kaba don ha ka shnong MawTle, Marshyllong.
Ïa ka song pisa bad ïa ki marbam la aiti ha u Babu Bording Lyngdoh uba long u nongpeit bad u nongri nongsumar ïa kine ki khynnah bad u Babu Bording Lyngdoh u la ai khublei kyrpang ïa kane ka kynhun ki nongpynïakob khwai dohkha kaba dei tang ka kynhun jong ki samla ba kin nang roi bad nang kiew shuh shuh ha ka kam kaba ki trei.
