Shillong, Rymphang, 15: Ka Khasi Students Union (KSU) Mawlai Circle bad Nonglum Unit ha ka sngi Saitjaiñ ka la noh synñiang sha ka Dorbar Shnong Mawlai Nonglum da ki top syntex, ki khiew heh, ki ketli sha, ki pliang ja, ki tarpaulin kynthup ruh sa lai tylli ki jingthiah khyllung sha ka Seng Kynthei kaba dei nongpynïaid ïa ka Crèche kaba don ha ka shnong Nonglum.
Na ka liang jong ka KSU Nonglum Unit ka la pynkup burom ruh da ka jain Ryndia ïa u Rangbah Shnong ka shnong Nonglum u Bah John Sing War katba ka KSU Mawlai Circle ka aiti ar tylli ki Fibre Board na bynta ka Basketball Court
Shwa ban aiti ïa kine ki tiar la pynlong ïa ka jingïalang kaba lyngkot ba la sakhi lang da u President ka KSU Mawlai Circle u samla Biangbor Paliar, u Asst. Rangbah Shnong u Bah Wanaibor Kharlukhi, u President ka Seng Samla Nongrum u samla Roveneo Mawnai, u President ka KSU Nonglum Unit u samla Wanstep Dkhar bad kiwei kiwei.
