Shillong, Rymphang, 24: Hadien ba ka jingniew vote na ka bynta ka elekshon sha ka Khasi Hills Autonomous District Council ka la kut, mynta to ngin ïa khmih pat sa ïa ki kyrtong jong ki seng saiñpyrthei shimet bad ki kyrtong shimet kiba la shah tam ha u NoTA u budam uba la buh kyrpang ha ki Electronic Voting Machine na ka bynta ki paidbah ba ki bym mon ban thep ïa ka vote sha ki kyrtong ïakhun elekshon.
Katkum ka result ba la pyllait ha ka 24 tarik Rymphang, 2024 kaba dei ka sngi niew vote la shem ki don haduh 20 ngut ki kyrtong kiba la shah tam ha u NOTA ha ki 15 tylli ki Constituency.
Ha Jirang, u NOTA u la ïoh 358 vote katba u kyrtong jong ka UDP u Bah Lee TS Bareh u la ïoh tang 273 vote.
Ha Umsning, u NOTA u la ïoh 231 vote, katba u kyrtong jong ka BJP u Bah Rodney Syngkli u la ïoh tang 147 vote.
Ha Sohryngkham u NOTA ula tam da 151 vote pyrshah ïa u kyrtong jong ka KHNAM u Bah Jospesh H. Pyngrope uba la ïoh tang 94 vote.
Ha Mawkynrew, u NOTA u la ïoh 97 vote katba u kyrtong ka BJP u Bah Counsellor Mukhim u la ïoh tang 86 vote bad u kyrtong ka KHNAM u Bah Pynshai Mawrie u la ïoh tang 55 vote.
Ha Langkyrdem-Laitkroh u NOTA u la tam da 88 vote pyrshah ïa u kyrtong jong ka KHNAM u Bah Banplieborlang Mawroh uba la ïoh tang 55 vote.
Ha Mawsynram u NOTA u la ïoh 153 vote katba u kyrtong jong ka HSPDP u la ïoh tang 122 vote bad u Bah Atone Wise Dkhar uba long u kyrtong shimet u la ïoh tang 95 vote.
Ha Laban-Mawprem u NOTA u la ïoh 185 vote katba u kyrtong jong ka KHNAM u Bah Shemstar Rynjah u la ïoh tang 49 vote.
Ha Nongthymmai, u NOTA u la ïoh 389 vote, katba u kyrtong jong ka KHNAM u Bah Erictor Donbok Swer u la ïoh tang 100 vote bad u kyrtong jong ka BJP u Bah Fairlock Denard Ryngksai u la ïoh tang 75 vote.
Ha Laitumkhrah-Malki u NOTA u la ïoh 171 vote katba u kyrtong jong ka KHNAM u Bah Peter Challam u la ïoh tang 62 vote.
Ha Mawkhar-Pynthorumkhrah u NOTA u la ïoh 266 vote, katba u kyrtong jong ka KHNAM u Bah Raymond Basaïawmoit u la ïoh tang 138 vote bad u kyrtong shimet u Bah Diton John Wahlang u la ïoh tang 105 vote.
Ha Mawlai u NOTA u la ïoh 323 vote, katba ka kyrtong jong ka BJP ka Kong Daniella Nonglait ka la ïoh tang 106 vote.
Ha Mawkywat, u NOTA u la ïoh 175 vote katba u kyrtong jong ka KHNAM u Bah Baristar Paul Thyrniang u la ïoh tang 174 vote.
Ha Nongstoiñ u NOTA u la ïoh 181 vote, katba u kyrtong jong ka BJP u Bah Demendar Lyngdoh u la ïoh tang 148 vote.
Ha Rambrai-Jyrngam u NOTA u la ïoh 224 vote, katba u kyrtong jong ka BJP u Bah Dominic Wahlang u la ïoh tang 106 vote.
Ha Mawshynrut u NOTA u la ïoh 171 vote, katba u kyrtong ka BJP u Bah Ronald Mawsor u la ïoh tang 122 vote bad u kyrtong shimet u Bah Jomping Pangniang u la ïoh tang 79 vote.
