Shillong, Jymmang 12: Ka Hynñiewtrep Integrated Territorial Organisation (HITO) Narpuh Circle ka la pan jingkheiñ na ki bor pynïaid jong ki karkhana dewbilat kiba don East Jaiñtia Hills District ïa ka jingdon jong ki samla trai jylla Khasi-Pnar kiba trei ha ki karkhana.
Ki nongïalam ka seng dang shen ki la leit ban ïakynduh ïa ki bor pynïaid jong ki karkhana dewbilat kiba don ha Elaka Narpuh kiba kynthup ïa ka Hills Cement Company Limited ha Mynkre East Jaiñtia Hills, ka Topcem Cement Meghalaya Cement Limited kaba don ha Chiehruphi, ka JUD Cement Limited kaba don ha Wahïajer, ka Dalmia Cement Bharat Limited kaba don ha Thangskai bad ka Star Cement Limited kaba don ha Lumshnong.
Ka jingïakynduh ïa ki nongpynïaid jong ki karkhana ka long ba ki dei ban thep kam ïa ki samla jong ka East Jaiñtia Hills ha kine ki karkhana
Ki bor pynïaid jong ki karkhana ki kam ba ki ju thepkam beit ïa ki samla na ka Elaka manla u snem. “Ban lap ïa ka jingshisha ngi la pan ïa ki kyrteng jong ki samla kiba trei ha ki karkhana bad ngi la ai por hapoh shi bnai ïa ki bor pynïaid jong ki kompani ba kin ai ïa ki kyrteng,” la ong ki nongïalam ka seng.
Ka Seng ka la kyntu ruh, lada don kino kino ki samla jong ka Elaka Narpuh kiba la biang ïa ka kyrdan pule ki bor pynïaid jong ki karkhana ki dei ban pynrung kam ïa ki hapoh ki karkhana.
“Ngi la sakhi ba ki briew kiba nabar jylla haba ki wan bylla sha kane ka jylla ki ju leh katba mon khlem da pyntip sha ki shnong ki thaw katba ki paradoh parasnam kiba don ïa ka kyrdan pule ki hap ban da pan jingpynbit shwa na ki nongïalam shnong ne na ki nongmiwhkhmat. Kane ka long ka jingshah leh shiliang khmat bym lah ban pdiang,” la ong ka seng.
Ka Seng ka ong ba katkum ka shithi ba la aiti sha ki bor pynïaid jong ki karkhana la dawa ba dei ban aikam uwei u briew na ki lai tylli ki shnong ba la kdew manla u snem ha kaba na ka bynta u snem 2025-26. Ka Seng ka la ai jingmut ban thung uwei u briew na Tongseng, uwei na Umstaiñ bad uwei na Sonapur. Da kaba bud ïa kane ka rukom, na ka bynta u snem 2026-27, la ai jingmut ïa ki karkhana ba kin thungkam da u ne kawei na ka shnong Sakhri, Myrli, Shymplong, Kuliang, Borsara, Pyrtakuna, Umkiang, Dona Umbluh, Dona Skur, Dona Bhoi, Wahkoh, Ratacherra kumta ter ter.
 | ReplyForwardAdd reaction |
