Shillong, Naitung, 08: Ka Global Computer Institute of Information Technology (GCIIT) Society,South West Khasi Hills District ha ka 8 tarik Naitung, 2025 ka la pynkupburom ïa ki 50 ngut ki samla shynrang bad kynthei kiba la pyndep ïa ki jingshah hikai ba 15 sngi ha ka Electronics bad ka Electrical Appliances Repairing ba la pynlong ha GCIITs Training Centre ha Mawkyrwat.
Ki 50 ngut ki samla kiba la pyndep ïa ka jingshah hikai ki dei na ka Batch kaba saw ha ki ar tylli ki bynta, kata, ha ka Electronics bad ka Electrical Appliances Repairing ba la pynlong da ka GCIITs Society.
Kine ki samla ki la pyndep ïa ka jingshah hikai pyntbit hapoh ka skhim Raising & Accelerating MSME Performance ba la bei tyngka da ka World Bank bad ïa kaba la kyrshan ruh da tnad treikam jong ka Commerce & Industries jong ka Sorkar Meghalaya ha kaba ka GCIITs’ Training Centre, Mawkyrwat.
Ha kane ka sngi la ïa donlang u Assistant General Manager jong ka District Commerce & Industries Centre (DCIC), South West Khasi Hills District u Bah G. Lyngdoh uba la long kum u kongsan, u Inspector of Taxes State GST Bah A. Nongpyiur, u Superintendent of Taxes State GSTu Bah H. Kharlyngdoh, u Executive Director jong ka GCIITs Society Bah V.W. Nongsiej bad kiwei kiwei.
