Shillong, Lber, 22: Ki nongïalam jong ka Khasi Students Union (KSU Jowai Unit ba la lamkhmat da u President u samla Ewanmi Phawa ha ka sngi Thohdieng ki la ïakynduh ïa u General Manager jong ka District Commerce & Industries Centre, West Jaintia Hills District Bah B.Warjri ban ïakren halor ka jingbym thung nonghikai shuh ha kane ka jaka ai jinghikai.
Ka seng ka la pynpaw ïa ka jingsngewkhia halor halor jingbym shym thung nonghikai Carpentry shuh ha ka shlem ai jinghikai nalor ki nonghikai ha ka Mechanic bad kiwei kiwei.
U General Manager jong ka Centre u la ong ba u la dep ban pyntip sha ki bor ba dei peit ban thung ïa ki nongai jinghikai khnang ban dup lah biang ban ai ai jinghikai ïa ka Carpentry hynrei ka sorkar ka shu sngap kuman haduh mynta.
Kum ban shu pyntip hangne ba ha ka 19 tarik, Jymmang, 2022 ka KSU ka la leit jurip ïa kane ka ophis treikam bad lap ba ki jait ai jinghikai kum ka Carpentry kam shym la treikam shuh namar ka jingbymdon nonghikai.
Katkum ka jubab RTI ka KSU ka la lap ba ki don haduh 19 tylli ki post ba lait thylli ha kane ka ophis bad ka dei ruh kane ka dawbah kaba pyndkoh ïa kane ka ophis ban ai jingshakri ïa ki paidbah.
Ka seng ka la pyntip ba kan sa buddien halor kane ka kam ban pynsngew sha ki bor bahalor khnang ban dup lah ban thung ïa ki nonghikai bad ba kan long ka jingmyntoi ïa ki samla.
