Shillong, K’lyngkot, 27: Arngut ki kyrtong ïakhun Indpendent ba kynthup ïa u Bah Bah Daniel Wahlang u ban ïakhun na Mawsynram Constituency bad u Dr. OS Jyrwa u ban ïakhun na Sohryngkham Constituency ha ka elekshon MDC sha ka Iingdorbar Thawaiñ jong ka Khasi Hills Autonomous District Council ka ban sa long ha ka 21 tarik Rymphang, 2025 ki la thep kyrteng ha ophis ka Deputy Commissioner ka East Khasi Hills District ha ka Lah Sngi u Blei.
Ha ka jingïakren bad ki lad pathai khubor u Bah Daniel Wahlang u la ong ba ka jingmih shakhmat ban ïakhun kum u kyrtong shimet ne Independent k a long namarba u la ingiah bad ithait ïa ki rukom treikam jong ki seng sainpyrthei kiba don ha kane ka jylla.
U Dr. OS Jyrwa u la ong ba ka jingmih sakhmat ban ïakhun ïa kane ka elekshon MDC ha kane ka kynti ka long namarba ka jingpynbor jong ki nongkyrshan hadien ba u la shu rem salit bad wan ha ka kyrdan kaba ar ha ka elekshon MLA na Mawryngkneng Constituency kaba la long ha u snem 2023.
