Delhi, Jymmang, 28: Ki jingpynkhreh na ka bynta ka ‘Viksit Krishi Sankalp Abhiyan,’ ha baroh kawei ka ri, kaba la sdang da u Myntri ka tnad ka rep ka riang jong ka sorkar pdeng, u Shivraj Singh Chouhan ka la dep. Ïa kane ka campaign yn sdang ha ka 29 tarik Jymmang 2025 na ka jaka kyntang jong ka Puri, Odisha, ha ka jingdon lang u Myntri sorkar pdeng hi. Ha kane ka campaign kaba 15 sngi, u Chouhan un leit sha jan 20 tylli ki jylla, ban pynshlur ïa ki nongrep bad ki scientist bad ïakren markhmat bad ki.
Hadien ka jingpyllait paidbah ha Odisha ha ka 29 tarik Jymmang, u Chouhan un leit sha Jammu, Rajasthan, Gujarat, Uttar Pradesh, Bihar, Maharashtra, Haryana, Punjab, Uttarakhand, Assam, Meghalaya, Karnataka, Tamil Nadu, Telangana, Andhra Pradesh, Madhya Pradesh, Delhi, bad Chhattisgarh, bad ïakren bad ki nongrep bad ki kynhun scientist haduh ka 12 tarik Jymmang.
Ka campaign ka thmu ban ai jnghikai ïa ki nongrep shaphang ki teknoloji ba thymmai na ka bynta ki jingthung Kharif ba kongsan kiba kyrpang na ka bynta ki thaiñ bapher bapher, ban pynsngewthuh shaphang ki skhim jong ka sorkar bad ki polisi, ban ïalam lynti ïa ki nongrep halor ka jingpyndonkam ïa ki Soil Health Card na ka bynta ban jied ïa ki jingthung bad ka jingpyndonkam ïa ka sboh kaba ïahap, bad ban lum ïa ki jingai jingmut ban sngewthuh ïa ki jingsaindur ba la ïalam da ki nongrep bad pynïaid ïa ki jingwad bniah kiba ryntih.
Ban ai jingmyntoi ïa ki nongrep hashwa ka aiom kharif, ïa kane ka ‘Viksit Krishi Sankalp Abhiyan’ yn pynlong da ka Indian Council of Agricultural Research (ICAR) bad ka Tnad ka rep ka riang jong ka sorkar pdeng ha ryngkat ka jingïatreilang bad ki sorkar jylla naduh ka 29 tarik Jymmang haduh ka 12 tarik Jylliew ha palat 700 tylli ki distrik. Ha kane ka samoi, ki kynhun stad saian kin leit sha ki shnong ban ïakynduh markhmatt bad ki nongrep. Kane ka campaign kan kynthup ïa baroh 731 tylli ki Krishi Vigyan Kendra (KVK), baroh 113 tylli ki ICAR institute, ki ophisar na ki tnad ka rep ka riang jong ki jylla, horticulture, animal husbandry, bad fisheries, kumjuh ruh ki nongrep bad kiwei kiwei ki nongshim bynta ha ka rep ka riang.
Ka campaign ka thmu ban ïakynduh bad ïakren markhmat bad kumba 1.5 klur ngut ki nongrep ha kylleng ki jylla bapher bapher katba ka wanrah ïa ka jingthmu jong u Myntri Rangbahduh ka ri Narendra Modi ban pyntreikam ïa ka “Lab to Land”. Katkum ka jingong u myntri ka sorkar pdeng, Shivraj Singh Chouhan, kane ka jcampaign kan don ka bynta kaba kongsan ban kyntiew ïa ki thong jong ka rep ka riang kaba la kiew shaphrang bad ban pynurlong ïa ka jingthmu kaba ïar jong ka Viksit Bharat-2047.
