Shillong, Risaw, 02: Ryngkat lang bad ka ri India baroh kawei, ki dkhot jong ka Bharatiya Janata Party Meghalaya State Unit ruh ha ka sngi Balang ki la rakhe kynmaw burom ïa ka sngi kha jong u Kpa ka Jaidbynriew u Mahatma Gandhi uba la tei da ka sorkar jylla ha phyllaw jong ka Main Secretariat, Shillong.
Ïa kane ka jingleit buh syntiew, la lamkhmat da u MLA jong ka South Shillong u Bah Sanbor Shullai, ryngkat ka jingsynran lang jong ka President ka Mahila Morcha ka Kong Susuki Pariat lem bad u President ka BJP Shillong City u Bah H. Bob Lyngdoh bad u Gundresh Marak na rilum Garo.
Hadien kane, ki dkhot jong ka BJP ki la hiar sa sha Lawmali ban ban ïashim bynta sa ha ka jingpynkhuid ïa ki rud ki kiar hajan ka Ganesh Das MCH Hospital, Shillong kum shi bynta ka jingkhot jingser jong u Myntri Rangbahduh ka ri u Narendra Modi ban pynlong ïa ka ri India kaba khuid.
